Imeandikwa Karibu Ujifunze nasi maandiko na maswali yako yajibiwe.
Wasiliana Nasi Ikiwa Unayo Maswali Kama unaswali ungependa tulijibu au kama una-mada flani ambayo ungependa tuifanyie kazi tafadhali wasiliana nasi hapa.
Usitatizike na Aya Tembelea ukurasa wetu wa maswali na majibu ujipatie majibu yako
Jipatie Vitabu vya Bure Kabisa Changamkia ofa yako kabla vitabu hivi havijarudi kwa mpango wake wa awali

Kuhusu Imeandikwa

Neno la Mungu ndiyo chemchemi ya nguvu za kiroho,  ndilo hututia moyo, na ndilo hutuhekimisha. Bila Neno la Mungu, mtu yeyote angewezaje kuijua njia ya Mungu ya wokovu? Njia ya wokovu haiwezi kutokana na dhana au mawazo yetu binafsi. Biblia inafunua wokovu ni kwa imani katika Kristo. Kwa hiyo tunaposoma Biblia, tunafanywa wenye hekima hata kufikia wokovu. Hata hivyo ni muhimu kujua kuwa hiyo Imani, huja kwa kusikia neno la Mungu. Kusikia ni tofauti na kusikiliza. Kusikia inahusisha kuelewa na kulitumia neno katika maisha ya kila siku. Ndiyo maana ni muhimu kuwa na mahali sahihi na penye kuaminika ambapo mtu anaweza kupata fafanuzi kwa maswali ambayo hujitokeza pale tunapoyasoma maandiko ili imani zetu zipate kuthibitishwa na kuimarishwa na hatimaye kuufikia wokovu.

Je, una swali kuhusu Mungu, Yesu, Biblia, au unahitaji ufafanuzi wa Maandiko Matakatifu? Je, unahitaji usaidizi kuelewa aya au kifungu flani cha Biblia? Je, kuna masuala yoyote ya kiroho katika maisha yako ambayo ungependa kujua Biblia imeyazungumzia je?

Tovuti ya Imeandikwa, ni tovuti ya Kiinjilisti yenye utume wa kutangaza habari njema za wokovu kwa kutoa masomo, kujibu maswali na kuweka fafanuzi zinazojibu hoja za kiimani kwa njia ya maandishi, sauti na video pia. Ni imani yetu kuwa utapokea baraka tele kwa kufika katika tovuti hii.